2018 წლის 28-29 ოქტომბერს ჩატარდა „endTB კლინიკური კვლევის“ მკვლევარებისა და კოორდინატორების პირველი ყოველწლიური შეხვედრა პარიზში.

შეხვედრას ესწრებოდა კვლევაში მონაწილე ქვეყნის წარმომადგენლები (საქართველო, ყაზახეთი, სელოთო, პერუ, სამხრეთ აფრიკა და პაკისტანი). აღნიშნულ შეხვედრაზე საქართველო წარადგინა  მთავარ მკვლევარმა საქართველოში, ტფდეც-ს დირექტორის მოადგილემ სამკურნალო დარგში-ქნ. ნანა ქირიამ და endTB კლინიკური კვლევის კოორდინატორმა ქნ. ნინო ქირიამ.

შეგახსენებთ რომ, საერთაშორისო  ჰუმანიტარული ორგანიზაცია „ექიმები საზღვრების გარეშე“  პარტნიორებთან ერთად (Harvard Medical School/Partners In Health),   სს „ტუბერკულოზისა და ფილტვისდაავადებათა ეროვნულ ცენტრში“  ატარებს  კლინიკურ კვლევას:  „endTB -ახლახან დამტკიცებული პრეპარატების შეფასება მულტირეზისტენტული ტუბერკულოზის მკურნალობისათვის“.

კვლევა გულისხმობს მულტირეზისტენტული ტუბერკულოზის მკურნალობას ინოვაციური, შემოკლებული რეჟიმებით. პირველი პაციენტის ჩართვა აღნიშნულ კვლევაში მოხდა საქართველოში,  2017 წლის თებერვალში.